АКШда 14 жаштагы өспүрүм мектепте мугалимдерин атып салды

Американын Жоржия штатындагы мектептердин биринде 14 жаштагы өспүрүм ок чыгарып, төрт киши каза тапса, 30га жакыны жаракат алган. Бул туурасында чет элдик басылмалар жазып чыкты.

Маалымдалгандай, каргашалуу окуя кечээ, 4-августта Уиндер шаарындагы Апалачи мектебинде орун алган. Каза болгон төрт кишинин экөө мектеп окуучусу, экөө мугалим экендиги маалыматта айтылган.

Жоржия штатынын тергөө бюросунун маалыматы боюнча, ок чыгарган өспүрүм колго түшүрүлгөн. Ал 14 жаштагы аталган мектептин окуучусу Кольт Грей экендиги айтылды.

Ал эми укук коргоо органдары өспүрүм куралды кайдан алып, кантип мектепке алып киргендиги туурасында маалыматтар териштирилип жататкандыгын кошумчалаган.

Каргашалуу окуяга байланыштуу АКШнын президенти Жо Байден каза болгондордун жакындарына көңүл айтты.

Автор: Замира Ниязбекова