Кыргызстан-Иран беттеши: 0:1 эсеби менен Иран жеңишке жетти

Иранда өткөн футбол боюнча Дүйнө чемпиондугуна тандап алуу оюндарынын үчүнчү баскычынын алкагындагы Кыргызстан-Иран беттеши аяктады.

Эсеп саны 0:1 болуп, Иран тарап жеңишке жетти.

Буга чейин "Ала-Тоо" аянтында "Ак шумкар" курамасынын оюнун күткөн 8 миңге жакын күйөрман жана борбор калаа жашоочулары чогулганы айтылган.

Белгилей кетсек, "Ак шумкарлар" кийинки беттешин өз оюн талаасында 10-сентябрда Өзбекстанга каршы өткөрөт. Беттеш борбор калаадагы жаңы оңдоп-түзөөдөн өткөн Дөлөн Өмүрзаков атындагы стадиондо саат 20:00 башталат.