Паралимпиада-2024: Дзюдо боюнча Маматибраим Суранов алгачкы беттеште утулуп калды

Бүгүн, 6-сентябрда Кыргызстандын спортчусу Маматибраим Суранов Парижде өтүп жаткан Паралимпиада оюндарында алгачкы беттеште жеңилип калды. Бул тууралуу маалымат сынактын сайтына жарыяланды.

Анда ал дзюдо боюнча 73 килограммга чейинки салмак ченинде күч сынашкан. Спортчу 1/16 финалда өзбекстандык атандашы Шохрух Мамедов менен кез келип, 1:10 эсебинде утулуп калды.

Белгилей кетсек, буга чейин Паралимпиада оюндардарында жөө күлүк Гүлназ Жүзбаева жана триатлончу Айтунук Жоомарт кызы мелдешке чыгышкан. Ал эми 8-сентябрда Миргүл Болоталиева пауэрлифтинг боюнча оюн көрсөтөт.