Астанага Дүйнөлүк көчмөндөр оюндарынын 2 миңден ашуун катышуучусу барды

Бүгүн, 8-сентябрда Астананын аэропортуна 2 миңге жакын спортчу келген. Бул тууралуу казак басылмалары жазышууда.

Маалым болгондой, Астана аэропорту бардык коноктор жана катышуучулар үчүн ыңгайлуу жана коопсуз келүүнү камсыз кылуу үчүн бардык күч-аракетин көрүүдө.

Борбордун аба майдаңынын кызматкерлери бардык келген спортчуларды, жүргүнчүлөрдү, спорттук делегацияларды жана борбордун меймандарын жогорку деңгээлде тейлөө жана колдоо көрсөтүү үчүн күнү-түнү иштешет.

"5-Дүйнөлүк көчмөндөр оюндары борборубуздун жана өлкөбүздүн турмушунда жаркын окуя болуп каларына ишенебиз", - деп айтылат маалыматта.

Белгилей кетсек, Астанада болуучу 5-Дүйнөлүк көчмөндөр оюндарына Кыргызстандан 183 спортчу катышат.

Бүткүл дүйнөлүк көчмөндөр оюндары 2014, 2016 жана 2018-жылдары Кыргызстанда, ал эми 2022-жылы Түркияда өткөн. 2026-жылы Өзбекстанда өтө турган болду.