5-Дүйнөлүк көчмөндөр оюндары: Алгачкы мелдештер башталды

Астанада V Дүйнөлүк көчмөндөр оюндарынын алгачкы мелдештери башталды. Мелдешке 89 өлкөдөн 2000 спортчу катышып, алар спорттун 21 түрү боюнча 97 комплект медаль үчүн ат салышат. Бул тууралуу казак басылмалары жазышууда.

Оюндар 8-сентябрдан 13-сентябрга чейин уланып, биринчи күнү жамбы ату – салттуу жаа атуу боюнча таймаштар болот.

Көрүүчүлөрдүн жана катышуучулардын ыңгайлуулугу үчүн Астанада атайын автобустар уюштурулуп, алар саат 08:00дөн 20:00гө чейин иш-чара өтүүчү жайларга кирүүнү камсыздайт.

"Сыйлоо пункттары шаардын беш районунда: Хазрет Султан мечитинде, борбордук паркта, Казакстан спорт комплексинде, ЭКСПОнун аймагында жана борбордогу цирктин жанында жайгашкан. Автобустарда Оюндарга билети барлар гана жүрө алышат. Ал эми жеке унаалар үчүн тегерек-четтерде токтотууга тыюу салынат", - деп айтылат маалыматта.