КВНдин негиздөөчүсү Александр Масляков 82 жашында көз жумду

Легендарлуу КВНдин негиздөөчүсү, алып баруучусу Александр Масляков 82 жашында каза болду. Бул тууралуу бүгүн, 8-сентябрда орус басылмалары жазып чыгышты.

КВНдин негиздөөчүсү 1964-жылдан бери легендарлуу программаны жетектеп келген. "Теффи" жана көптөгөн мамлекеттик сыйлыктардын ээси Александр Васильевич СССРдин жана Орусия телевидениесинин жүзү болгон.

Масляков эки жыл рак оорусу менен күрөшкөн. Ал бул илдетке 2022-жылы Ковид оорусунан кийин чалдыккан. Алгач дарыгерлер өпкөсүндө шишик бар экенин аныктап, андан кийин анын залалдуу экенин тастыкташты. 8 ай мурун дарыгерлер мындан ары дарылоо жардам бербейт деп айтышкан.