ЖККУга мүчө мамлекеттердин парламенттеринин өкүлдөрү Балыкчыдагы аскердик машыгууга байкоо салды

Бүгүн, 11-сентябрда Ысык-Көлдүн Балыкчы шаарында Жамааттык коопсуздук жөнүндө келишим уюмунун (ЖККУ) Ыкчам жооп кайтаруу жамааттык күчтөрүнүн (ЫЖКЖК) "Өз ара аракеттенүү-2024" командалык-штабдык машыгуусу өттү.

Жогорку Кеңештин басма сөз кызматынан билдиргендей, эл аралык иш-чарага Жамааттык коопсуздук жөнүндө келишим уюмуна мүчө өлкөлөрдүн парламенттеринин коргоо жана коопсуздук боюнча комитеттеринин төрагалары да байкоо салды.

Машыгууда Кыргызстан, Беларусь, Казакстан, Орусия жана Тажикстандын аскердик контингенттери катышты.

Автор: Бек Оморбеков