Көчмөндөр оюндары: Жабылыш аземине көрүүчүлөр катыша алышпайт

Астанадагы Дүйнөлүк көчмөндөр оюндарынын жабылыш аземи көрүүчүлөрсүз өтөт. Бул тууралуу казак басылмалары жазышууда.

"Сураныч, шектүү сунуштарга кабылбаңыз. Жабылуу аземи катышуучуларга гана арналган. Көрүүчүлөр катышпайт", - деп түшүндүрүштү уюштуруучулар.

V Дүйнөлүк көчмөндөр оюндарынын жабылыш аземи бүгүн, 13-сентябрда болот. Маалым болгондой, 2024-жылдын жаз айларында бюджеттин кыскарышына байланыштуу иш-чара шаан-шөкөтсүз, протоколдук форматта жана көрүүчүлөрсүз өтөт. Көрүүчүлөр жабылуу аземин Казакстандын алдыңкы телеканалдары аркылуу түз эфирде көрө алышат.

Уюштуруучулар ошондой эле оюндардын жабылышына билеттерди сатуу боюнча пайда болгон маалыматтарды жалган дешти.

"Жабылыш аземине сатыла турган билеттер жок. Мындай сунуштардын баары алдамчылык", - деп кошумчаланат билдирүүдө.