Көчмөндөр оюндары: Кыргыз курамасы медалдык тизмеде 2-орунга чыкты

Астана шаарында өтүп жаткан V Дүйнөлүк көчмөндөр оюндарында кыргыз курамасы 16 алтын, 17 күмүш, 20 коло байге алып, жалпы командалык эсепте 2-орунга жайгашты.

Бул тизмеде 33 алтын, 25 күмүш, 28 коло алган Казакстан биринчи орунда турат. Ал эми 11 алтын, 12 күмүш, 11 коло медаль уткан Өзбекстан 3-саптан орун алса, 11 алтын, 10 күмүш, 24 коло менен Орусия 4-орунга жайгашты.

Буга чейин Кыргызстан бир сап ылдыйлап, 3-орунга түшүп калган болчу.

Белгилей кетсек, 8-сентябрда башталган Дүйнөлүк көчмөндөр оюндары 90дой мамлекеттен 2,5 миңдей спортчу катышууда. Мелдештер спорттун 21 түрүнөн өтүүдө.

Автор: Кылымбек Бейшеев
Фото: Интернеттен алынды