Көчмөндөр оюндары: Овари жана мангала боюнча курама команда 7 медаль жеңди

Кыргызстандын овари жана мангала боюнча улуттук курама командасынын мүчөлөрү Астана шаарында өткөн V Дүйнөлүк көчмөндөр оюндарында 7 медаль тагынышты.

Маалымдалгандай, спортчулар 1 алтын, 3 күмүш, 3 коло медалын жеңип алышты.

Мангала боюнча Анарбек Жамакеев жана Азиза Жамансартова 2-орунду ээлешти. Кубанычбек Ибраимов жана Гүлайым Сагыналиева коло медалга ээ болушту.

Овари боюнча командалык оюнда 1-орунду ээледи. Ал эми Айтурган Максатбек кызы күмүш медалга ээ болсо, Айзада Бактыбекова коло медаль тагынды.

Курама команда машыктыруучулар Камчыбек Касымов жана Улан Бусурманкуловдун жетекчилиги алтында мелдешке катышты.

Белгилей кетсек, V Дүйнөлүк көчмөндөр оюндары кечээ, 13-сентябрда жыйынтыкталып, Кыргызстан курама командасы жалпы 65 медаль алышкан.

Автор: Замира Ниязбекова