9:1 жана 7:0. Дүйнө чемпиондугунун бир эле тайпасында эки ири эсеп саны катталды

Бүгүн, 20-сентябрда коңшу Өзбекстанда өтүп жаткан футзал боюнча Дүйнө чемпиондугунун "В" тайпасынын 3-турдук оюндары өттү.

Бухара шаарында тайпанын эки лидери болгон Таиланд менен Бразилия кез келип, оюн 9:1 эсебинде Бразилиянын жеңиши менен аяктады.

Ташкентте өткөн параллелдүү беттеште Хорватия курамасы Кубаны 7:0 эсебинде утуп алды.

Ошентип, Бразилия курамасы үч беттеште тең жеңишке жетип, тогуз упай менен "В" тайпасында биринчи орунду ээледи. Экинчи орунга 6 упайы менен Таиланд курамасы жайгашса, үч упай топтогон Хорватия тайпада үчүнчү орунга жайгашты. Ал эми Куба бир дагы упай ала албай, Дүйнө чемпиондугу менен коштошту.

Автор: Азат Бейшенбеков