Кыргыз мушкери менен мейманканада жаңжалдашкан казакстандык эми блогер менен мушташты (видео)

Коңшу казакстандык Ануарбек Бекембетов пресс-конференция учурунда блогер менен мушташа кетти. Мындай видео социалдык тармактарга тарады.

Кечээ, 25-сентябрда Алматыда 28-сентябрда болуучу бокс боюнча турнирдин пресс-конференциясы өткөн. Анын алдында мушкерлер журналисттердин суроолоруна жооп беришкен. Ошол учурда ММА мушкери Ануарбек Бекембетов менен белгисиз жигиттин ортосунда пикир келишпестик жаралып, андан кийин экөө мушташа кетишкен.

Кийинчерээк мушташа кеткен жигит блогер экени белгилүү болгон.

Белгилей кетсек, дал ушул Ануарбек Бекембетов менен кыргыз мушкери Марсель Нурланбеков 26-апрелде Алматыда өткөн "NAIZA 59" турниринде беттешмек. Бирок алардын мейманканадагы жаңжалынан кийин уюм эки мушкерди уюмдан түбөлүккө четтетүү чечимин чыгарган.