ЦСКА кулубуна кошулган атактуу футболчу Орусия тууралуу 2 жыл мурун айткан сөзү үчүн кечирим сурады

"Барселона" жана "Ювентус" клубдарында ойногон босниялык жарым коргоочу Миралем Пьянич Москванын "ЦСКА" клубуна кошулгандан кийин Орусия тууралуу айткан сөзү үчүн кечирим сурады. Бул тууралуу Матч ТВ телеканалы жазды.

Эске салсак, 34 жаштагы футболчу 2022-жылы Орусия менен Босния-Герцеговина курама командаларынын жолдоштук беттешин өткөрүүгө дүйнөдөгү саясий кырдаалдан улам каршы болгон.

Бул сөзү үчүн ал кечээ, 26-сентябрда москвалык клуб менен келишим түзүп жатып кечирим сураган.

"Эки жыл мурунку сөздөрүмдү азыр көптөр талкуулап жатканын билем, бирок мен Орусияга же орус футболуна каршы эч нерсе айткан эмесмин. Эгерде бул сөзүм үчүн кимдир бирөөнү капа кылган болсом кечирим сурайм", - деген Пьянич.

Автор: Азат Бейшенбеков