Футбол: Бүгүн жаштар курамасы Азия кубогунун жолдомосу үчүн чечүүчү беттеш өткөрөт

Бүгүн, 29-сентябрда Бишкектин Дөлөн Өмүрзаков стадионунда жаштар арасында 2025-жылкы Азия кубогунун тандап алуу оюндарынын алкагында Кыргызстандын футбол боюнча жаштар курамасы Японияга каршы чечүүчү беттеште кез келет.

Кыргыз футбол биримдиги билдиргендей, Мирлан Эшеновдун жетекчилиги алдындагы жаштар курама командасы «I» тайпасында Мьянма, Түркмөнстан жана Жапония командалары менен бирге жайгашкан.

Турнирдин эки турунун жыйынтыгында, курамабыз Япония (6 упай) командасынан кийин, турнирдик жадыбалда 6 упай менен экинчи орунда. Түркмөнстан 0 упай менен үчүнчү орунда, жадыбалды 0 упай менен Мьянма бекитти.

Тандап алуу оюндарга жалпысынан 10 тайпага бөлүнгөн 45 курама команда катышууда. Азия биринчилигинин финалдык бөлүгүнө тайпанын жеңүүчүсү жана тайпада эң мыкты көрсөткүчтөр менен экинчи орунду ээлеген беш курама жолдомо алышат.

Японияга каршы оюн саат 20:00 старт алып, ал эми футбол күйөрмандарын саат 18:00 баштап, Freeman 996’нын катышуусундагы шоу-программа күтөт.

Билеттер www.kassir.kg сайтында жеткиликтүү! Оюндун түз алып берүүсү Кыргыз Спорт ТВ жана УТРК Спорт каналында жеткиликтүү болот.