АКШда Хелен бороонунан каза болгондордун саны 116га жетти

АКШнын түштүк-чыгышында болгон Хелен бороонунан каза болгондордун саны 116га жетти. Бул тууралуу CBS News телеканалы билдирди.

Телеканал табигый кырсыктын кесепетинен каза болгондор тууралуу маалымат АКШнын түштүгүндөгү алты штаттан келгенин тактады.

Каза болгондордун эң көбү Түндүк Каролинада катталды – 46 адам. Ошол эле маалда Түштүк Каролинада 27 адам болсо, Жорджияда 25, Флоридада 13 адам каза тапкан. Дагы 4 адам Теннессиде, бирөө Вирджинияда каза болду.

Алдын ала эсеп боюнча, бороондон АКШга келтирилген жалпы зыян 95 миллиард доллардан 110 миллиард долларга чейин болушу мүмкүн.

Find Energy мониторинг кызматынын маалыматы боюнча, бороон-чапкындан жапа чеккен штаттарда дээрлик 2 миллион керектөөчү электр жарыгысыз калууда.

Автор: Бек Оморбеков