Акылбек Жапаров иш сапары менен Арменияга барат

Өкмөт башчы Акылбек Жапаров иш сапары менен Армениянын Ереван шаарына барат. Бул тууралуу бүгүн, 30-сентябрда Министрлер кабинетинин басма сөз кызматы кабарлады.

Маалыматка ылайык, иш сапардын алкагында Жапаров Евразиялык өкмөттөр аралык кеңештин жыйынына катышат. Ошондой эле Евразия экономикалык форумунун пленардык жыйынында сөз сүйлөйт. Мындан тышкары бир катар жолугушуулар пландалып жатканы айтылды.

"Евразия өкмөттөр аралык кеңешинин жыйынынын күн тартибине 20дан ашык маселе киргизилген", - деп жазылат маалыматта.

Аталган жыйынга Армения, Беларусь, Казакстан, Орусиянын өкмөт башчылары катыша турганы маалым болду.

Автор: Бурул Турусбекова