Бишкек жана Ош шаардык кеңештерине 51 депутат шайланып келет. Президент мыйзамга кол койду

Бишкек жана Ош шаардык кеңештерине 51 депутат шайланып келет. Тиешелүү мыйзамга бүгүн, 1-октябрда президент Садыр Жапаров кол койгонун басма сөз кызматы билдирди.

Кабыл алынган мыйзам жергиликтүү кеңештердин сандык курамын белгилейт. Ага ылайык, административдик аймакта жашагандардын саны 6 миңге чейин болсо – 11 депутат, 20 миңге чейин болсо 21 депутат шайланат.

Ошондой эле шаардык жана айылдык кеңештерде калктын саны 20 миңден 70 миңге чейин жеткен аймактар 31 талапкерди эл өкүлү кылып шайлашат. Эгерде калктын саны 70 миңден жогору болсо 41 талапкер депутат болуп келет.

Белгилей кетсек, бул мыйзам Жогорку Кеңеш тарабынан 19-сентябрда кабыл алынган.

Автор: Замира Ниязбекова