"Сүрөттөрүңдү интернетке жарыялайм". Сузакта опузалап акча талап кылган аял кармалды (видео)

Сузак районунда таанышын опузалаган 33 жаштагы шектүү аял кармалды. Бул тууралуу бүгүн, 1-октябрда Жалал-Абад ОИИБинен билдирди.

Маалыматка ылайык, 22-сентябрь күнү милицияга 52 жаштагы Сузак районунун А.Б. аттуу тургуну арыз менен кайрылган. Ал 21-сентябрь күнү өзүнө тааныш аял жылаңач сүрөттөрүн интернет булактарына жарыялайм деп коркутуп, андан 100 миң сом талап кылып жатканын айткан.

Факты каттоого алынып, тергөөгө чейинки териштирүү иштери башталган.

Шектүү катары 33 жаштагы Сузак районунун А.С. аттуу тургуну Бишкек-Ош унаа жолунда жабырлануучудан 25 миң сом акча каражатын алып жаткан жеринен кармалган.

Бул факты боюнча Кылмыш-жаза кодексинин 208-беренесинин (Опузалап талап кылуу) негизинде кылмыш иши козголгон.

Учурда тергөө иштери уланууда.