Садыр Жапаров расмий сапары менен Италияга барды

Бүгн, 2-октябрда президенти Садыр Жапаров расмий сапар менен Рим шаарына барды. Бул тууралуу президенттин маалымат кызматынан билдиришти.

Ага ылайык, мамлекет башчысынын борту Римдин эл аралык аэропортуна конду.

Президент Садыр Жапаров менен Биринчи айым Айгүл Жапарованы Италиянын ТИМинин өзгөчө тапшырмалар боюнча элчиси Кристиано Маджипинто, “Алга, Италия” партиясынан Сенатор Франческо Сильвестро, Ватикан тараптан - Ыйык тактынын Архиепискобу Франческо Каналини, Ыйык Тактынын протоколунун жетекчиси Хавьер Фернандаз Гонзалез тосуп алышты.

Белгилей кетсек, Италияга жана Ватиканга жасаган сапардын алкагында Садыр Жапаровдун Италиянын президенти Серджо Маттарелла, министрлер кеңешинин төрагасы Джорджей Мелони, депутаттар палатасынын төрагасы Лоренцо Фонтана жана Италия сенатынын төрагасы Иньяцио Ла Русса менен эки тараптуу сүйлөшүүлөрү пландаштырылган.

Мындан тышкары президент Садыр Жапаровдун Рим папасы Франциск менен жолугушуусу болот.