Садыр Жапаров Италиянын президенти Серджо Маттарелла менен жолукту

Бүгүн, 3-октябрда өлкө башчы Садыр Жапаров Италиянын президенти Серджо Маттарелла менен расмий жолугушту. Бул тууралуу президенттин басма сөз кызматы кабарлады.

Маалыматка ылайык, мамлекет башчысынын кортежин Квиринале сарайынан Италиянын президенти жана анын кызы Лаура Маттарелла тосуп алган.

"Садыр Жапаровдун келишинин урматына Кыргызстандын желеги салтанаттуу көтөрүлдү. Оркестр эки өлкөнүн мамлекеттик гимндерин аткарып, Ардак кароолдун башчысы салам рапортун берди", - деп айтылат маалыматта.

Ошондой эле сарайда эки өлкөнүн мамлекеттик желектеринин фонунда сүрөткө түшүү аземи жана делегациялар тааныштырылды.