Бишкек шаарынын мэри метро куруу боюнча инвесторлордон сунуштар түшкөнүн айтты

Бүгүн, 9-октябрдагы Жогорку Кеңештин жыйынында депутат Элдар Абакиров Бишкек, Ош шаарларында калктын саны тез өсүп жатканын белгилеп, мэриянын метро куруу планы бар-жогуна кызыкты.

Ал эми Бишкек шаарынын мэри Айбек Жунушалиев борборго метро куруу тууралуу инвесторлордон сунуштар түшүп жатканын айтты.

"Кийинки аптанын жума күнүнө жыйын коюлган. Бизге инвесторлор чыгып жатат. Алар метро куруу боюнча сунуштарын беришет. Эгер шарттары жакшы болсо, карап чыгып, баштаганга даярбыз", - деди ал.

Абакиров Ташкент, Алматы шаарларынын калкы миллионго жеткенде метро салынганын мисал кылып, Бишкекте калктын саны 2 миллиондон ашып калганын эскертти.

Автор: Кылымбек Бейшеев