Казакстандын АКШдагы элчиси өз жарандарын Флорида жана Жоржиядан чыгып кетүүгө чакырды

Казакстандын АКШдагы элчилиги казакстандыктарды Флорида, Жорджия жана Түштүк Каролинадан тез арада башка жактарга чыгып кетүүгө чакырды. Бул чечим “Милтон” бороонунун штаттарга жакындап келе жатканы менен байланыштуу экендигин казак басылмалары жазышты.

Элчилик жарандарды жергиликтүү бийликтин көрсөтмөсү менен иш алып барууга чакырган. Ошондой эле өзгөчө кырдаал жаралган учурда тез арада байланышка чыгууну тапшырды.

АКШнын улуттук урагандарды көзөмөлдөө борбору “Милтон” бороону акыркы жүз жыл аралыгындагы эң күчтүү ураган экендигин айтууда. Анын ылдамдыгы саатына 257 чакырымга жетет. Мындан улам штаттардан 5,5 миллион адам эвакуацияга чакырылган.

Автор: Замира Ниязбекова