Футбол: Бүгүн Кыргызстан менен Катар беттешет

Бүгүн, 10-октябрда футбол боюнча Кыргызстандын курамасы 2026-жылы өтө турган Дүйнө чемпиондугунун тандап алуу оюндарынын үчүнчү баскычынын алкагында Катар менен беттешет. Бул тууралуу Кыргыз футбол бирикмесинен билдиришти.

Ага ылайык, бүгүнкү беттеш Доха шаарынын (Катар) "Аль Тумама" стадионунда Бишкек убактысы боюнча саат 22:00 башталат.

"Ак шумкардын" күйөрмандары үчүн беттештин түз алып берүүсүн көрүү үчүн атайын масштабдуу фанзона борбор калаадагы Т.Усубалиев атындагы аянтта (Эски аянт) уюштурулат. Фан-зонанын программасы саат 20:00дө башталат", - деп айтылат маалыматта.

Белгилей кетсек, улуттук курама команда Иран, Катар, БАЭ, Түндүк Корея жана Өзбекстандын курама командалары менен биргеликте "А" тайпасында жайгашкан.