Дмитрий Бивол оор беттеште Артур Бетербиевге жеңилип калды

Орусиялык мушкер Артур Бетербиев жарым оор салмактагы абсолюттук дүйнөнүн чемпиону наамы үчүн беттеште мекендеши Дмитрий Биволду жеңип алды. Күрөш 12 раундга созулуп, анын жыйынтыгында калыстар Артурга жеңишти берди. Бул туурасында чет элдик спорт басылмалары жазышты.

Маалымдалгандай, 33 жаштагы Бивол үчүн бул жеңилүү профессионалдык карьерасында биринчи болду. Буга чейин ал 23 беттештин баарын жеңиш менен жыйынтыктап келген.

Ал эми 39 жаштагы Бетербиев 21-жеңишин Биволдун колунан сууруп кетти.

Беттеш Сауд Арабиясынын Эр-Рияд шаарындагы "Kingdom" спорт комплексинде өттү.

Айта кетсек, Чеченстандын президенти Рамзан Кадыров да бул беттешке катышкан. Ал Бетербиевди колдоо иретинде барган.

Автор: Замира Ниязбекова