"Талтайбагыла да, эй!" Балбак Түлөбаев парламентте өкмөттүн өкүлүн зекиди

Бүгүн, 14-октябрда Жогорку Кеңештин Социалдык саясат боюнча комитетинин жыйынында эл өкүлү Балбак Түлөбаев Ысык-Көлдөгү таза суу объектилери бүтпөй жатканына нааразы болду.

Эл өкүлү Дархан, Кызыл-Суу, Бөкөнбаев айылдарын таза суу менен камсыздоо ишке ашпай жатканын айтып, качан бүтөрүн сурады. Ага Айыл чарба министрлигинин өкүлү Дархандагы таза суу объектисинин жарымы министрликте, жарымы Мамкурулушта экенин айтты.

“Бул атам экөөбүзгө бир аял деген сөз. Жарымы Мамкурулушта калган, жарымы Айыл чарба министрлигине келген дегени кандай? Талтайбагыла да, эй! Ары же бери болгула да!” - деди Түлөбаев.

Автор: Бек Оморбеков