Билим берүү министрлигине кошумча англис тили сабагын окутуу сунушталды

Бүгүн, 14-октябрда Жогорку Кеңештин Социалдык саясат боюнча комитетинин жыйынында эл өкүлү Рустам Советбек уулу билим берүү министри Догдуркүл Кендирбаевага мектеп окуучулары үчүн атайын кошумча англис тили сабагын киргизүүнү сунуштады.

"Учурда англис тили сабагы мектеп окуучуларына да, студенттерге да аябай керек болуп жатат. Баарыбызга маалым болгондой эле студенттер окууну бүткөндөн кийин Европага чыгып жатышат. Ошого мугалимдердин айлыгынан сырткары кошумча кружокторду киргизүүңүздөрдү сунуштайт элем да", - деди эл өкүлү.

Анда министр Кендирбаева: "12 жылдык билим берүүдө 10-11-класстын окуучулары үчүн атайын тереңдетилген сабактар окутулат. Анда окуучу бир багытты тандап окуй алат", - деп жооп берген.