Орусияда 9 жыл абакта отурган криминалдык авторитет абактан чыкты

Орусияда Шакро Молодой каймана аты бар Захарий Калашовдун оң колу деп эсептелген Итальянец каймана аттуу кримтөбөл Андрей Кочуйков эркиндикке чыкты. Бул тууралуу РЕН ТВ телеканалы жазды.

Кочуйков абактан чыгып, журналисттердин суроолоруна жооп бербестен, кара Мерседец үлгүсүндөгү унаага отуруп кеткен.

Кримавторитет 2015-жылы Москванын борборундагы Рочделская көчөсүндө болгон атышуудан кийин жазасын алган. Куралдуу жаңжалга ресторандын ээси Жанна Ким менен дизайнер Фатима Мисикованын ортосундагы чыр себеп болгон. Подрядчы тарапта Андрей Кочуйков бар болчу. Атышуулардын натыйжасында жети адам жабыркап, экөө каза болгон.

Орусиянын Башкы прокуратурасы Шакро Молодой деген каймана ат менен белгилүү Захарий Калашовду 2017-жылдын октябрында “орусиялык кылмыш дүйнөсүнүн лидери” деп тааныган. Анын оң колу болгон Итальянец укук коргоо органдары менен байланыш түзүп, "Шакро Молодойдун" коопсуздугун камсыздап келген.

Автор: Азат Бейшенбеков