Акылбек Жапаров иш сапары менен Исламабад шаарына барды

Бүгүн, 15-октябрда министрлер кабинетинин төрагасы Акылбек Жапаров жумуш сапар менен Пакистандын Исламабад шаарына барды. Бул тууралуу өкмөттүнн басма сөз кызматы кабарлады.

Маалыматка ылайык, Жапаров иш сапардын биринчи күнүндө Пакистандын премьер-министри Шехбаз Шариф жана Кытайдын Мамлекеттик Кеңешинин премьери Ли Цян менен эки тараптуу жолугушууларды өткөрөт.

Ал эми 16-октябрда Шанхай Кызматташтык Уюмуна мүчө мамлекеттердин өкмөт башчыларынын 23-жыйынына катышары маалым болду.

Автор: Бурул Турусбекова
Фото: Министрлер кабинетинин басма сөз кызматы