Депутат Бишкек-Ош унаа жолундагы ашууга галерея курууну сунуштады

Бүгүн, 17-октябрдагы Жогорку Кеңештин жыйынында депутат Дастан Жумабеков Бишкек-Ош унаа жолундагы тыгын маселесине токтолуп, "Төө-Ашуу" ашуусуна галерия куруу керектигин айтты.

Анын айтымында, ашууга галерия курулса тыгын көйгөйү жаралбайт.

"Эки күндөн бери Төө-Ашуу ашуусундагы тыгынды баарыбыз көрүп жатабыз. Бул эми аба ырайынын кескин өзгөрүп кетишинен болуп жатат. Мына ушундай көйгөйлөр жаралбашы үчүн мамлекеттик деңгээлде проект иштеп чыгуу керек.

Ашууга галерия курулушу керек. Акыркы чокудагы 3 серпонтинге галерия, заманбап тунелдер курулса ичи кургак болот, ошол жерде тыгындар болбойт. Алмаз Акунжанович, сиз өзүңүз дагы бул маселени карап көрсөңүз. Транспорт министрлиги ушунун үстүнөн иштеп чыкса, учурда эң кооптуу жер ошол. Ылдый жактан унаалар жакшы эле көтөрүлүп барат, акыркы чокуга келгенде тыгын башталып жатат. Ал жерге жакшы галерея курулса кечээки көйгөйлөр болбойт", - деди эл өкүлү.