Түркияда автобус кырсыгынан 7 адам каза болуп, 33 адам жаракат алды

Түркиянын борборундагы Аксарай шаарында туристтерди ташыган автобус тосмону сүзүп, оодарылып кетип, анын кесепетинен 7 адам каза болуп, 33ү жаракат алды. Бул тууралуу Түркиянын ички иштер министри Али Ерликая билдирди.

Экскурсиялык автобус Балыесирден Каппадокиянын атактуу туристтик аймагы жайгашкан Невшехир провинциясына сапар тарткан. Ерликайдын айтымында, автобус жолдон чыгып кетип, оодарылып кеткен.

Кырсык болгон жерден жарыяланган кадрларда автобустун трассада баратканын көрүүгө болот. Бир убакта жолдун жээгине чыгып, оодарылып кеткен.

Унаанын ичинде жалпысынан 41 жүргүнчү, эки айдоочу жана бир гид болгон.

"Тилекке каршы, кырсыктын кесепетинен жети жаран каза болуп, 33 жаран ар кандай жаракаттарды, алардын экөөсү оор жаракаттарды алышкан", - деди ИИМ башчысы.