Си Цзиньпин Кытай армиясын согушка даярданууга чакырды

Коңшу Кытайдын төрагасы Си Цзиньпин 18-октябрда Элдик боштондук армиясынын ракеталык күчтөрүнүн бригадасында болуп, аскерлерди согушка даярдыкты күчөтүүгө чакырды. БУл тууралуу чет элдик басылмалар жазышты.

Анын айтымында, кытайлык жоокерлер өздөрүнүн стратегиялык тоскоолдук жана согуштук мүмкүнчүлүктөрүн чыңдоого тийиш. Си Цзиньпиндин билдирүүсү Пекин өз аймагы деп эсептеген Тайвандын жанында кытай армиясы масштабдуу машыгууларды өткөргөндөн бир нече күн өткөндөн кийин айтылды.

14-октябрда Кытай армиясы Тайвандын тегерегинде машыгуусун өткөргөн.

Тайвандын бийлиги Кытайдын аскердик машыгууларын провокация деп атады. Машыгуунун жүрүшүндө аралдын абадан коргонуу аймагына 90 учак, тик учак жана учкучсуз учактар кирген.

Автор: Азат Бейшенбеков