Акылбек Жапаров Москвага расмий иш сапары менен барды (фото)

Министрлер кабинетинин төрагасы Акылбек Жапаров Москва шаарына расмий сапар менен барды.

Акылбек Жапаровду “Внуково 2” эл аралык аэропортунан Орусиянын Тышкы иштер министринин орун басары Михаил Галузин тосуп алган.

Аэропортто Кыргызстан менен Орусиянын желектери илинип, ардактуу кароол тизилди.

Өз ара саламдашуудан кийин эки мамлекеттин гимндери жаңырып, ардактуу кароол ротасы аскердик оркестрдин коштоосунда салтанаттуу марш менен өттү.

МинКаб Төрагасы расмий сапарынын алкагында Кара-Кыргыз автономдуу облусунун түзүлгөндүгүнүн 100 жылдыгына жана Кыргызстандын Орусиядагы Маданият күндөрүн майрамдоого арналган иш-чараларга катышат.

Ошондой эле, расмий сапардын жүрүшүндө Кыргызстан менен Орусия өкмөтүнүн биргелешкен жыйыны, эки тараптуу жолугушуулар жана кеңейтилген маданий программалар уюштурулат.

Автор: Азат Бейшенбеков