36 жаштагы спортчу айымга жырткыч балык кол салып каза болду

Италиялык серфёр Жулия Манфрини Индонезияда башка спортчулардын көзүнчө каза болду. БУл тууралуу чет элдик басылмалар жазышты.

Маалыматка ылайык, 36 жаштагы италиялык спортчу Батыш Суматрадагы Ментавай аралдарынын сууларында машыгуудан өтүп жаткан. Сууда кызга кылыч жырткыч (меч) балыгы кол салып, көкүрөгүн тешип кеткен. Окуя болгон учурда анын эки досу ага жакын жерде болушкан. Алар биринчи медициналык жардам көрсөтүшүп, медициналык борборго алып барышкан, бирок канча аракет кылышса да, аны сактап калууга мүмкүн болгон эмес.

Белгиленгендей, кыз профессионалдык түрдө сёрфинг менен гана чектелбестен, өзүнүн туристтик агенттигин ачууну кыялданчу.

Кылыч балыгы - Тынч, Атлантика жана Индия океандарында кездешүүчү жырткыч балыктардын бир түрү. Бул түрдүн кээ бир өкүлдөрүнүн узундугу 4,5 метрге чейин жетет.

Жулия Манфринининин өлүмү Инди океанында адамдардын балыктардын кол салышынын биринчи учуру эмес. 2015-жылы гавайилик балыкчы Рэнси Лэйнс балык ылдам келип, көкүрөгүн тешип кеткенден кийин каза болгон.

Автор: Азат Бейшенбеков