Акылбек Жапаров Медербек Сатыевди Жогорку соттун жамаатына тааныштырды

Министрлер кабинетинин төрагасы Акылбек Жапаров бүгүн, 24-октябрда жаңы дайындалган төрага Медербек Сатыевди Жогорку соттун жамаатына тааныштырды. Бул тууралуу өкмөттүн басма сөз кызматынан билдирди.

Жапаров белгилегендей, Медербек Сатыев 1995-жылдан бери сот тармагында иштеп келет, Президенттин администрациясында да иштеген жана кесипкөй адам.

Өкмөт башчы Сатыевге жооптуу кызматында ийгиликтерди каалап, сот адилеттигин жана мыйзамдуулукту камсыздоодогу бийликтин сот бутагынын өзгөчө ролун белгиледи.

Президент Садыр Жапаров бүгүн Медербек Сатыевди Жогорку соттун төрагасы кылып дайындады.

Кечээ, 23-октябрда парламент Жогорку соттун төрагалыгына Сатыевдин талапкерлигин талкуусуз колдогон.

Автор: Айпери Бакталбек кызы