"1 саат күттүрөт". Депутат Марипов Бишкектеги коомдук транспортко нааразы болду

Бүгүн, 24-октябрдагы Жогорку Кеңештин жыйынында депутат Бакытбек Марипов Бишкектеги коомдук транспортко нааразы болду.

Эл өкүлү тургундар жол кирени электрондук капчык менен төлөөдө акча кабыл алчу жабдыктар иштебей калып, ыңгайсыздыктар жаралып жатканын айтты.

Ошондой эле ал автобустардын келүү аралыгы өтө узак болуп жатканын, айрым убакта жарандар бир саатка чейин күтүп калып жатканын, анысы аз келгенсип автобустун ичи бут коёрго орун жок толук келип, батпай калып жатышканын билдирди. Марипов калаа бийлигин бул көйгөйлөрдү чечүүгө чакырды.