"Чуркап жүрөбүз". Депутат Сыдыгалиев Архитектура жана курулуш агенттигинин ишмердүүлүгүн сынга алды

Бүгүн, 24-октябрдагы Жогорку Кеңештин жыйынында депутат Нурбек Сыдыгалиев Архитектура, курулуш жана турак жай-коммуналдык чарба мамлекеттик агенттигинин ишмердүүлүгүн сындады.

"Депутаттар чуркап жүрүп, объекттерди, имараттарды титулга киргизип жатабыз. Анан имараттардын курулушу башталышы үчүн долбоорун түзүүгө 2 жыл кетип жатат. Мен ойлойм, бул курулуш агенттигинин "шалаакылыгы" деп. Эмнеге биз долбоорго киргизген имараттын курулушу ошол жылы башталбайт? "Качан башталат?" деп эле күтүп отурабыз. Жадакалса биз киргизген имараттардын дагы деле долбоорлору түзүлө элек экен. Кимдин күнөөсү? Бул боюнча иш алып барыш керек", - деди Сыдыгалиев.

Автор: Кылымбек Бейшеев
Фото: Интернеттен алынды