ӨКМ Жумгалда жоголгон ата-баланы издөө иши боюнча билдирүү таратты

Нарын облусунун Жумгал районундагы Өрнөк айылында ата-баланы издөө иши кеч киргендигине байланыштуу саат 18:44тө токтотулду. Бул боюнча ӨКМ билдирди.

Анда айтылгандай, издөө иши эртең, 1-ноябрда кайрадан таң эрте улантылат.

Бүгүн, 31-октябрда издөө иштерине жалпы 116 адам чыгып, 9 дрон тартылды.

Белгилей кетсек, 16-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон.

Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.

Автор: Айжанар Рыспек кызы
Фото: ӨКМ