"Тамаша эмес..." Камчыбек Ташиев кыргызстандыктарды көп балалуу болууга чакырды

Бүгүн, 4-ноябрда Улуттук коопсуздук комитетинин башчысы Камчыбек Ташиев Нарын шаарында жаңы курулган Керемет бала бакчасынын ачылышына катышып жатып, кыргызстандыктарды көп балалуу болууга чакырды.

Ал өлкөнүн коопсуздугу элинин санынан көз каранды экенин белгиледи.

"Бул тамаша эмес, олуттуу маселе. Мамлекеттин коопсуздугу анын элинин санына жараша болот. Элибиздин саны өсмөйүнчө коопсуздугубузду сактай албай калышыбыз мүмкүн. Дүйнөдө канчалаган өзгөрүүлөр болуп жатат. Тегерегибизде канчалаган чоң мамлекеттер бар. Алардын элинин саны көп. Биздики аз болуп жатат", - деди Ташиев.

УКМК жетекчиси өкмөт балдар үчүн бардык шарттарды түзүүгө аракет кылып жатканын кошумчалады.

Автор: Кылымбек Бейшеев
Фото: УКМК