Профсоюз тарабынан 2 миллиард сомдон ашык мыйзам бузуулар аныкталды

Эсеп палатасы Кыргызстан профсоюздар федерациясынын ишмердүүлүгүн текшерүүнүн жыйынтыгында 2 миллиард сомдон ашык каржылык мыйзам бузууларды аныктады. Бул тууралуу бүгүн, 4-ноябрда аталган мекеменин басма сөз кызматы билдирди.

Маалымдалгандай, мекеме президенттин тапшырмасы боюнча 2013-2022-жылдарга тематикалык аудит өткөрдү. Анда санаторийлерди, пансионаттарды жана башка кыймылсыз мүлктөрдү сатуу жана менчиктештирүү, ошондой эле баштапкы профсоюз уюмдарында ижаралык мамилелерди жана мүчөлүк акылардан түшкөн каражаттардын пайдаланылышын текшерүү маселелери каралды.

"Текшерүүнүн жүрүшүндө 2 миллиард 58 миллион 585 миң сомдук жана 25,6 миң долларлык каржылык мыйзам бузуулар аныкталган", - деп айтылат маалыматта.