Дүйнө чемпиондугунун тандоо туруна даярдык. "Ак шумкарлардын" кеңейтилген тизмеси жарыяланды

Ноябрь айында өтө турган оюндарга даярдык көрүү максатында уюштурулган окуу-машыгуу жыйынына чакырылган Улуттук кураманын кеңейтилген тизмеси жарыяланды.

Кыргыз футбол биримдигинен билдиргендей, курама команда 2026-жылы өтө турган Дүйнө чемпиондугунун тандоо турунун алкагында 14-ноябрда БАЭ менен (конокто), ошондой эле 19-ноябрда өз оюн талаасында Иран курамасы менен беттешет.

“Жогоруда айтылган беттештерге даярдык көрүү максатында курама командабыз бүгүн, 6-ноябрдан тартып Катардын Доха шаарында окуу-машыгуу жыйынын өткөрүүдө. Даярдык аяктагандан кийин команда биринчи беттешке катышуу үчүн 12-ноябрда Абу-Дабиге бет алат”, - деп айтылат маалыматта.

Автор: Замира Ниязбекова