Германияда Кытайга тыңчылык кылган америкалык жаран кармалды

Американын жараны жана Германияда жайгашкан АКШ армиясынын мурдагы мүчөсү Кытайга жашыруун маалыматтарды берүүнү сунуш кылган деген айып менен камакка алынды. Бул тууралуу AFP агенттиги бейшемби күнү Германиянын прокуратурасына шилтеме берүү менен билдирди.

Прокуротуранын айтымында, Мартин Д. деп атаган адам "чет элдик чалгындоо агенттиги үчүн чалгындоо иштерин жүргүзүүгө даяр экенин билдирген" деген шек менен кармалган. Алар кошумчалагандай, ал "2024-жылы Кытайдын расмий өкүлдөрү менен байланышып, аларга америкалык аскерлер тууралуу жашыруун маалыматтарды берүүнү сунуш кылган".

Ошондой эле ал бейшемби күнү Франкфурт шаарында камакка алынып, батиринде тинтүү иштери жүргүзүлдү. Алардын айтымында, ал "жакынкы убакка чейин" америкалык аскерлер үчүн иштеген жана Кытайга "АКШ армиясында иштеген учурунда алган маалыматты" берүүнү сунуш кылган. Учурда тергөө Германиянын чалгындоо кызматы менен "тыкыс координацияда" жүрүп жатат.