Израилдин аба күчтөрү Бейрут аэропортуна жакын жерге сокку урду (видео)

Израилдин аскер аба күчтөрү Бейруттагы Рафик Харири эл аралык аэропортунун учуп-конуу тилкесинен ондогон метр алыс жерге сокку урду. Бул тууралуу чет элдик басылмалар жазышууда.

Аба соккусу аэропортко жакын Шувейфат Эль-Амрусия аймагындагы көп кабаттуу имаратка урулган. Сокку болгон учурда жарандык учак аэропортко келип конгон.

Бейруттун түштүк четиндеги Гхбейри аймагында бейшемби күнү эртең менен дагы эки аба чабуул жасалган.

Буга чейин эртең мененки саат 04:30да Израилдин учактары Шия районуна үч жолу катуу сокку урган. Борбордун борбордук кварталдарында жардыруулардын үндөрү угулган. Шаршемби күнү түштөн кийин Израилдин учактары Бейруттун түштүк четиндеги алты бутага чабуул жасады. Кийинчерээк, шаршемби күнү кечинде Бурж аль-Бараджне жана Харет Хрейк аймактарында бир катар соккулар болду.