Темирлан Султанбековду ата-энеси жана жактоочусу таппай жатканын партиялаштары айтып чыкты (видео)

“Социал-Демократтар” партиясынын төрагасы Темирлан Султанбековду ата-энеси 12 сааттан бери таппай жатат. Бул туурасында аталган партиянын мүчөсү Кадырбек Атамбаев билдирип, видео кайрылуу жолдоду.

Анын айтымында, укук коргоо органдары саясатчыны кайда экендигин айтышпай жатат.

“12 сааттан бери Темирлан Султанбековдун ата-энеси жана жактоочусу аны таппай жатышат. Бишкек ШИИББнын кызматкерлери анын кайда экендигин айтпай жатышат. Мындай жагдай саясатчынын ата-энесин жана жактоочусун кабатырлантып жатат. Укук коргоо органдарын саясатчы менен анын жакындарын байланыштырып коюууга чакырам. Бул анын мыйзам чегиндеги укугу”, - деп билдрген Атамбаев.

Белгилей кетсек, Бишкек ШИИББинин басма сөз кызматы “Социал-демократтар” партиясынын штаб башчысы, экс-депутат Ирина Карамушкинага шайлоочулардын добушун сатып алуу боюнча кылмыш иши козголгонун айтып, анын аудиожазууларын тараткан.

Андан соң аталган партиянын кеңсесинде титүү жүрүп, кийин партиянын төрагасы Темирлан Султанбековду суракка алып кеткендиги айтылган.