Бишкекте мыйзамсыз диний ишмердүүлүктүн алдын алуу боюнча жыйын өттү

Бүгүн, 27-ноябрда Бишкекте мыйзамсыз диний ишмердүүлүктүн алдын алуу боюнча координациялык жыйын болуп өттү. Бул тууралуу Дин иштери боюнча мамлекеттик комиссиясынан кабарлады.

Маалыматка ылайык, жыйында 2021-2026-жылдарга Кыргызстандын диний чөйрөдөгү мамлекеттик саясатынын концепциясынын аткарылышы, радикализмдин алдын алуу, ошондой эле диний чөйрөдөгү жаралган көйгөйлөрдүн чечүү жолдору жана учурдагы диний абал талкууланып, тиешелүү кызматкерлерге тапшырмалар берилди.

Иш-чарага Дин комиссиясынын, Бишкек мэриясынын муниципалдык администрациясынын, Ленин РИИБинин, райондук билим берүү башкармалыгынын өкүлдөрү жана диний кызматкерлер катышты.

Автор: Бек Оморбеков