Бишкекте жаңы 3 бала бакча ачылып, пайдаланууга берилди

Бишкектин Ак-Босого, Калыс-Ордо жана Келечек конуштарында жаңы бала бакчалардын салтанаттуу ачылышы өттү. Бул тууралуу бүгүн, 27-ноябрда Бишкек мэриясынан билдиришти.

Бишкек мэри Айбек Жунушалиев Ак-Босого жаңы конушундагы №24, Калыс – Ордо конушундагы №29 жана Келечек конушундагы №27 бала бакчаларынын ачылышына катышты.

Бардык мектепке чейинки балдар мекемелеринде уктоочу жана оюн бөлмөлөрү, музыкалык бөлмөлөр, медициналык бөлмөлөр каралган. Аймактар көрктөндүрүлүп, заманбап балдар аянтчалары менен жабдылган.

Ошондой эле бала бакчалар жылма керебеттер менен жабдылып, мекемелердин кубаттуулугу жогорулап, көбүрөөк балдардын билим алуусуна шарт түзүлдү.

Белгилей кетсек, аталган бала бакчаларлын жалпы сыйымдуулугу 780 орунду түзөт.