Садыр Жапаров Берлинден түз эле Астанага барды. Аны кантип тосуп алышты? (видео)

Президент Садыр Жапаров кечээ, 27-ноябрда иш сапары менен Астана шаарына барды. Бул тууралуу президенттин администрациясынан кабарлашты.

Мамлекет башчысынын борту Астанадагы эл аралык аэропортко конду. Президент Садыр Жапаровду Казакстандын премьер-министри Олжас Бектенов жана башка расмий адамдар тосуп алышкан.

Аэропорттун флагштокторуна Жамааттык коопсуздук келишим уюмуна (ЖККУ) кирген мамлекеттердин желектери илинди, килем төшөлүп, Ардак кароолдун ротасы тизилди.

Иш сапардын алкагында Садыр Жапаров ЖККУнун жамааттык коопсуздук кеңешинин кезектеги сессиясына катышат.

Кечээ, 27-ноябрда Садыр Жапаровдун Германияга болгон сапары аяктаган. Президенттин учагы Берлинден Астанага учуп келди.

Автор: Азат Бейшенбеков