Кочкордогу кооптуу көпүрө оңдолду

Кочкор-Коммунизм унаа жолунун 1+500-чакырымындагы Чу дарыясынан өтүүчү көпүрөнүн курулуш иштери аяктады. Бул тууралуу бүгүн, 28-ноябрда Транспорт министрлигинен билдиришти.

Маалымдалгандай, учурда асфальт төшөлүп, калган жумуштар аткарылып жатат.

Көпүрө 3 пролеттон туруп, узуну 54 метрди түзөт, туурасы 12,5 метр. Бул көпүрө аркылуу Кара-Тоо, Кум-Дөбө, Ак-Жар, Арзы жана башка айылдардан катташат.

Белгилей кетсек, Транспорт жана коммуникациялар министри Абсаттар Сыргабаев Нарын облусуна болгон иш сапарларынын алкагында көпүрөнүн курулушун жеринен көзөмөлдөп, белгиленген мөөнөттө колдонууга берүүнү тапшырган.