№16 түзөтүү колониясына баруучу көпүрө оңдолуп, колдонууга берилди

Чүй облусунун Москва районундагы №16 түзөтүү колониясына алып баруучу унаа жолдо жайгашкан көпүрөнүн курулуш иштери толук аяктап, каттам берилди. Бул тууралуу бүгүн, 29-ноябрда Транспорт министрлигинен билдиришти.

Маалымдалгандай, ага 390 метр асфальт-бетон катмары төшөлүп, анын ичинен 45 метри көпүрөгө куюлган. Жол чийиндери чийилип, темир-бетон тосмолору орнотулуу менен сырдоо иштери аткарылды.

"Жумуштар №1 Жол курулуш башкармалыгы тарабынан аткарылды. План боюнча 650 метр каралган. Колониянын имаратындагы аянтчасында курулуш иш-чараларына байланыштуу калган 290 метр асфальт төшөө иштери кийинки жылдын жаз мезгилинде уланат", - деп айтылат маалыматта.