Коомдук ишмер Ассоль Молдокматованын апасы каза болду

Кыргыз Республикасынын маданиятына эмгек сиңирген ишмер Ассоль Молдокматованын апасы каза болду. Бул тууралуу ал өзү бүгүн, 29-ноябрда Инстаграм баракчасында билдирди.

"Менин сүйүктүү апам күтүүсүздөн бул дүйнө менен кош айтышты. Мага өтө кыйын болуп турат. Менин жанымда болгон ар бириңизге рахмат", - деп билдирүү калтырган ишмер.

Буга чейинки маектеринде Молдокматова апасы жөнүндө айтып, ал 5 жашында жетим калып, Пржевальск шаарындагы балдар үйүндө чоңойгонун билдирген.

Белгилей кетсек, Ассоль Молдокматованын апасын акыркы сапарга узатуу зыйнаты дүйшөмбү күнү, саат 11:00дө Киев көчөсү, 76 дарегинде өтөт.

Автор: Бурул Турусбекова