Мурда бир нече жолу соттолгон жаран Бишкектен кармалып, Ошко жеткирилди

Ош шаарында уурулукка барган шектүү Бишкектен кармалды. Бул тууралуу Ички иштер министрлиги билдирди.

Маалыматка ылайык, ал 14-апрелде Ош шаарынын 39 жаштагы тургунунун Toyota Camry үлгүсүндөгү унаасынын терезесин сындырып, капчыгын, паспортун, айдоочулук күбөлүгүн, банк карталарын, 10 миң сомун жана аялына тиешелүү болгон буюмдарын уурдап кеткен.

Бул факты боюнча кылмыш иши козголуп, шектүү катары издөөдө жүргөн Жалал-Абад облусунун 23 жаштагы тургуну Бишкектен кармалган. Ал мурда уурулук кылмыштары боюнча бир нече жолу соттолгон.

Учурда шектүү Ош шаардык милициясынын убактылуу кармоочу жайында камакта.

Автор: Кылымбек Бейшеев
Фото: ИИМ